Qalmaqallı model tacını geri aldı

“Miss Amerika” gözəllik yarışması təşkilatçıları model Vanessa Williamsdan üzr istəyiblər.

1983-ci ildə yarışmada qalib olan, amma sonra statusu əlindən alınan modelin tacı geri qaytarılıb.

“Miss Amerika”nın təşkilatçısı Sam Haskell açıqlamasında modeldən üzr istəyib, onun tacının geri qaytarıldığını bildirib.

Vanessa Williamsın hətta sözügedən yarışmada münsif kürsüsündə əyləşəcəyi də qeyd edilib.

Xatırladaq ki, Vanessa Williamsdan geri alınan tac “İlk zənci Miss Amerika” yarışmasından qazanılmışdı.

Tacın geri alınmasına səbəb kimi Williamsın “Penthouse” jurnalı üçün onlardan icazəsiz fotosessiyası etdirməsi göstərilmişdi.

Model Vanessa Williams eyni zamanda həm müğənni, həm də aktrisa kimi fəaliyyət göstərir.

Onun 1992-ci ildə ifa etdiyi “Save the Best for Last” mahnısı bir neçə ay top onluqlarda birinci yeri tutub. (qafqazinfo)

Ölkə.Az