Stromae maestro oldu - yeni klip rekord qırdı

Qısa müddətə yüksək izlənmə sayı toplaya bilib

Ölkə.Az xəbər verir ki, məşhur müğənni Stromae yeni mahnısının klipini təqdim edib.

"Quand c'est?" ( Nə zaman?) adlanan mahnı qısa müddətə "YouTube" sosial şəbəkəsində yüksək izləyici toplamağa müvəffəq olub. Mahnının xərçəng xəstəliyi ilə mübarizəyə həsr olunduğu bildirilir.

Qeyd edək ki, Pol Van Aver daha çox Stromae (tələffüzü: Stromay) adı ilə tanınan, Ruanda əsilli belçikalı repçidir. O, "Stromae" səhnə təxəllüsünü "maestro" sözünü təhrif edərək götürüb.

2009-cu ildə Stromae öz birinci hitini «Alors on danse» mahnısını təqdim edir. Mahnı başqa ölkələrdə də sürətlə məhşurlaşır. Fransada, Almaniyada, Belçikada ən çox satılanlardan olur. Stromae məhz bu mahnıdan sonra dünyada tanındı.

O, 2010-cu ildə NRJ Award-da premiya alıb.

Stromae 2011-ci ilin iyununda təsdiq etmişdi ki, o, keçmiş "Miss Belçika 2005" Tatiana Silva Braqa Tavares ilə görüşürdü. Onlar 2012-ci ilin sentyabr ayında ayrılmışdılar. İndiki sevgilisi stilistka Korali Barbye-di.

Onun yeni klipini təqdim edirik:

Rəşid Mustafazadə

Ölkə.Az