Robot da kukladır, adama uşaq olmağı qadağan edirsiniz - Nazilə "bəsdirin" dedi - VİDEO

Şairə Nazilə Səfərli ATV kanalının efirində "robot"a xınayaxdı mərasimi keçirilməsi ilə bağlı yazılan tənqidlərə münasibət bildirib.

Ölkə.Az xəbər verir ki, o buna görə izləyiciləri ittiham edib:

"Yuxudan oyanandan telefonum susmur. Efirdə robota xınayaxdı ediblər. Görülməmiş hadisədir. Guya heç görməmisiniz, heç yaşamamısınız bunu. Bütün qız uşaqlarına balacalıqdan kukla almırsınız? O kuklaya toy edir, ev düzəldir, kukla üçün yemək bişirir. Bu da kukladır. Kukla robotdur, robot da kukladır. Bənzər bir şeydir. Uşaqlıqdan özünüz qızları öyrədirsiniz. Nə edim, mənim də uşaqlıq yaddaşım oyandı. Robotu görəndə dedim ki, biraz bunun üçün mahnı oxuyum. Adama uşaq olmağı da qadağan edirsiniz. Bəsdirin. Efirə çıxıb şeir deyirsən, dastan deyirsən, gözəl danışırsan, baxan var? Baxmırsınız. Elə Nanə sizə haqq edir. Haqq edir robotlara xına yaxdırır.  Zarafat bir yana, xına da yaxmamışam. Sadəcə təbliğ etmişik ki, sən robotsan, sənə xına yaxa bilmərik. Sənin əlin xına götürməz. O niyyətlə.  Bunalar bax, necə də üstümə düşüblər. Robot da çox çirkin idi, qorxmuşam", - deyə o söyləyib.

Ölkə.Az