\"Hər gün \"fast-food\" yeyirəm\" - Məşhur modelyerin pəhrizi

Dünyaca məşhur dizayner Vera Vanq gözəllik sirlərindən danışıb.

Axşam.az xəbər verir ki, 74 yaşlı modelyer heç bir pəhrizə riayət etmədiyini deyib. O, tam əksi olaraq "fast-food", şirniyyat yediyini, spirtli içkilər içdiyini vurğulayıb.

"Daha çox "fast-food" satılan yerlərdə yemək yeyirəm. İki həftə ərzində hər gün oradan sifariş verirəm, daha sonra onu başqa "fast-food"a dəyişirəm. Kremli və şəkərli donaltsları da bəyənirəm. Çəhrayı rəngli, içi vanil kremli olanları xoşlayıram".

Vera yaşına görə cavan görünməsinin sirrini isə işləməyə, yaxşı yuxu almağa, spirtli kokteyllər içməyə və günəşin şüalarına maksimum az məruz qalmağa borclu olduğunu deyib:

"Bütün həyatımı işləmişəm. Düşünürəm ki, iş sizi gənc saxlayır və stimullaşdırır. Eyni vaxtda iki qız böyütmüşəm. Davamlı olaraq məşğul olmaq qocalmanı ləngidir".