Tarkan və Üzeyir, niyə axı, bağrım çatlayardı mənim - Elməddin qıcıqlandı

"Üzeyirlə bağlı fikirlərimi deyim: vallah, adamda bərəkət var. Üzeyirə insan kimi çox böyük hörmət bəsləyirəm. Sıx da olmasa, yoldaşlığımız, dostuluğumuz mövcuddur. Həqiqətən çox istəyirəm. Deyim ki, fanatıyam, dinləyirəm, yox. Bir dənə mahnısını bilirəm".

Ölkə.Az xəbər verir ki, bu sözləri aktyor, prodüser Elməddin Cəfərov qonaq olduğu verilişlərdən birində deyib. Müğənni Üzeyir Mehdizadə ilə eyni proqrama dəvət alan sənətçi onun populyarlığına təəccübünü ifadə edib.

"Deməli, müğənnilər əlləşir, bəstəkardan gedib 5 minə mahnı alır, aranjimanına 10 min xərcləyir, oxuyur, reklama qoyur, 100 min baxış yığa bilmir. Üzeyir evdə oturur, gecə yuxudan kal oyanıb “tanrım onu xoşbəxt elə...” mahnısını yazır. Tarap, yarım milyon, bir milyon baxış toplayır. Mahnın adı “Yaxşı olar”, “nə var, nə yox, nətərsən?”... Adam mahnının adını “Yaxşı olar” qoyub, yutubda yarım milyard izlənilib", - o bildirib.

Bu sözlərdən sonra zalda olan tamaşaçılar əl çalmağa başlasa da, aktyor gülə-gülə "dayanın, dəstəkləmirəm" sözlərini deyib.

Ardınca isə bunu şansla əlaqələndirən Elməddin Cəfərov söyləyib: "Həqiqətən şans məsələsi də var. Adam Özbəkistanda, Türkiyədə konsert verir, stadiona 40-50 min insan yığılır. Niyə axı? Doğrudan da dost kimi soruşuram. Tarkanda da, səndə də 50 min tamaşaçı yığılır. Bir az ədalətsizlik deyil?! Açığını deyim, qıcıqlanıram. Yaxşı ki, müğənni deyiləm, bağrım çatlayardı". 

Ölkə.Az