Təranə Qumralla intim münasibət, Fədayənin inanılmaz açıqlaması, Aygün-Brilliant \"razborkası\"

Milli.Az jurnalist İntiqam Valehoğlunun müəllif layihəsi olan "Həftəbecər"i (46-cı say) təqdim edir.

Həftənin xəbərlərinə keçməzdən öncə hamınızın keçmiş Qurban bayramınızı təbrik edirəm. Havalar soyudu, amma Təranə Qumralla Nazəninin söhbəti soyumadı. Bu dəfə Nazəninin həyat yoldaşı Məhəbbət Həsənov danışıb. Deyib ki, bəli, Təranə Qumralla intim münasibətdə olmuşam: "Təranə şəklimi paylaşaraq, təhqirlər yazmışdı. Bunun cavabını verəcək. Mən onun telefonuma yazdığı intim mesajları məhkəmədə sübut etdim. Bizim onunla intim münasibətimiz olub. Bu günə qədər susurdum, amma artıq danışacağam. Mənə vurduğu maddi və mənəvi ziyanı ödəyəcək. Təranə Nazəninin gözünün Musada (müğənni Musa Musayev - red.) olduğunu deyirdi. İndi mən soruşuram: "Təranə mənim məşuqəm olub, ya yox?" Toba, lap mat-məəttəl qalmışam. Məhəbbət müəllimin cəmi bir fotosunu görmüşəm. Yaşı əllidən keçmiş, saç-saqqalı ağarmış ortayaşlı kişidir. Rus demişkən, "neujeli" belə iş tutar? Amma sonra da fikirləşirəm ki... Elə o üç nöqtə fikirləşdiklərimdir. Klaviaturanın qabağında əllərim quruyub. İndi də düşünürəm ki, söhbət intimdən gedirsə, saç burada "priçom". Bir az keçəndən sonra ağlıma belə bir fikir gəlir ki, axı Təranə Qumral bu iddiaları rədd edirdi. Kopoyoğlunun tibbi bizdə o dərəcədə inkişaf etməyib də. Adamı salırsan aparata, özü göstərir nə var, nə yox. Daha bu boyda zırıltıya, söz-söhbətə də ehtiyac qalmır.

İzzət Bağırov hörmət elədiyim sənətçilərdəndir. Çünki davranışını, yerini bilən adamdır. Amma 2015-ci ildə "oğlan dostlarımı sınadım, zay çıxdılar" söhbətinin vaxtı bir az gecikib. Rəhmətliyin nəvəsi, o gün meyxanaçı Samirənin nəvəsinin toyunda Samiraldonun geyimini görsəydin, bilərdin ki, artıq çox şeyin zayı çıxıb. Mən də şəkillərdən gördüm ki, məclisə arvad paltarında gəlib. Bax indi bunun pasportunda "kişi" yazıb say artırmağın nə adı var, hə? Kim necə istəyir, elə də başa düşsün. Bunun özü də vətənə xəyanətin bir növüdür. Təsəvvür elə ki, ölkədəki kişilərin sayını hesablayırsan, məsələn, 9 milyon vətəndaşın 5 milyonu kişidir. Dövlət də arxayın olur ki, bu qədər kişi, əsgər, ər var. Axırda bu beş milyonun bir hissəsi Samiraldo çıxır. Sən də bunun əlinə silah verib düşmən qabağına göndərmək istəyirsən. Bax belə...

Yadınızdadırsa, demişdim ki, Nadir Qafarzadə təzə "Maral, maral" çıxana qədər nələrsə edəcək ki, gündəmdə qalsın. Bu dəfə efirdə həyat yoldaşından danışıb: "Həyat yoldaşımı sevmişəm, sevirəm, sevəcəm. Bəzən deyirlər ki, Nadir həyat yoldaşı ilə özünü reklam edir. Bu, belə deyil, özümü arvadım ilə reklam etmirəm. Nümunəvi ailəyə sahib biri kimi ailəm haqda suallar ünvanlayırlar, cavablandırıram. Nümunəvi ailəni reklam etməyə dəyər. Cavanlarımız, yeni evlənən cütlüklərimiz görsünlər ki, ailə necə olmalıdır". Nadir bəy, ölkədə elə nümunəvi ailələr var ki, kənardan bircə saat müşahidə etsəniz, xəcalət çəkərsiniz. Yəni bu ölkədə nümunəvi ailə təkcə sizinki deyil və məncə, belə şeylərin nümayişinə ehtiyac yoxdur.

Müğənni Fədayə Laçının sənətindən heyif. Gah şalvarından danışır, gah yubkasından, gah Tacir Şahmalıoğlu ilə yaşadığı altı illik eşq macərasından, gah atasından, vaxt olanda da deyir ki, camaat məni kişi kimi tanıyır. Zəmanə elə dəyişib ki, indi hansısa qadın "mən kişi kimi qadınam" deyəndə camaat elə bilir ki, bu, lezbiyandır. İndi lətifəsi sizdən uzaq, deyin görək, sənətinizdən nə vaxt danışacaqsınız? Yeri gəlmişkən, Fədayə Laçın Azərbaycanda məlahətli səs sahibi olan azsaylı xanım sənətçilərdəndir. Əksəriyyəti oxuyanda səsi adamın başına düşür, az qalırsan intihar edəsən. Məsələn, Telli Borçalının oxuduğu havanın sədaları altında məmnuniyyətlə intihar etmək olar. Çünki mahnı bitincə adamın canı boğazına yığılır.

Xalq artistləri Brilliant Dadaşova və Aygün Kazımova arasındakı çoxillik "razborka" Vezuvi vulkanı kimi bir şeydir. Nə vaxt oyandığını, nə vaxt qaynadığını bilmirsən, bir də onda xəbər tutursan ki, yenə qaynadıblar. Elə indiki kimi. Hələ ki nələrsə qaynayır, amma gedişatdan dəqiq nəsə tutmaq olmur. İlkin mərhələdə onu demək olar ki, tərəflər kəşfiyyat xarakterli "döyüş" nümayiş etdirirlər. İlk raunddan sonra Aygün Kazımovanın hücuma keçəcəyi gözlənilir. Ətiniz tökülsün, yarım əsr yaşayıblar, yenə də hər gün qırğın-qiyamət. Sonra da deyirsiniz ki, Röya niyə soyundu? Bəs acığından soyunur da. Vay o gündən, Bilal Əliyevi əsəbləşdirəsiniz. Onu istəyirsiniz ki, qorxudan camaatın dili tutulsun?

Ölkə.az