Nazpərinin qəzaya düşən bacısı Ölkə.Az-a danışdı

Ötən gün qəzaya düşən tanınmış müğənni Zeynəb Dostəliyeva hadisənin təfərrüatını Ölkə.Az-a danışıb. Sənətçi əməkdaşımızla söhbətində bildirib ki, qəza zamanı özü avtomobildə olmayıb:

"Şükür, hər şey yaxşıdır. Canıma gələn malıma gəlsin. Dünən Bakıxanova tədbirə gedirdim. Siqnalladılar ki, maşının təkəri buraxıb. Təzə maşın olduğuna görə dedim ki, sürməyim. Nəvəm də yanımdaydı. Onu maşında oturtdum, taksi tutdum. Bir də görüm ki, mənim maşınıma bir maşın necə girdisə, hər iki maşın üstümüzə gəldi. Mən yerə yıxıldım, taksinin də arxa tərəfi əzildi. Nəvəm isə mənim maşınımda idi. Amma şükür ki, ona heç nə olmadı. Əgər bir az zəif maşın olsaydı, ikimiz də parçalanardıq. "Ferrari"nin qabağı pis günə düşüb. Deyəsən qız içkili olub və qəzadan sonra qaçıb. Bir azdan Nizami rayon Polis İdarəsinə gedib izahat verəcəyəm. Maşınımı "Ferrari"nin sürücüsü düzəltdirəcək".

Qeyd edək ki, hadisə ötən gün Heydər Əliyev prospektində baş verib. Belə ki, Z.Dostəliyevanın idarə etdiyi "Ford" markalı avtomobil "Ferrari" ilə toqquşub. Nəticədə hər iki maşına ziyan dəyib. "Ferrari"nin sürücüsü hadisə yerindən qaçıb. İlkin ehtimallara görə, o, sərxoş olub.

Xatırladaq ki. Zeynəb Dostəliyeva xalq artisti Nazpəri Dostəliyevanın bacısıdır.