Türkiyədə daha bir fenomen cütlüyə qarşı istintaq başlandı

Gözəllik mərkəzi işlədən və e-ticarətlə məşğul olan sosial media fenomeni Taylan Öz və Özlem Öz cütlüyünə qarşı istintaq başlanıb.

Ölkə.Az Türkiyə mediasına istinadla xəbər verir ki, cütlük bahalı həyat tərzi ilə xeyli diqqət çəkib.

Maliyyə Cinayətləri İdarəsinə müxtəlif tarixlərdə edilən bildirişlərə əsasən 24 noyabr 2023-cü ildə cütlüyə "rəsmi sənəd saxtakarlığı", "cinayət törətmək məqsədi ilə təşkilat yaratma", "aktiv dəyərlərinin qeyri-qanuni mənbəyini gizlətmək" və "vergi proseduru qanununa etiraz" cinayətlərindən Anadolu Respublika Baş Prokurorluğu tərəfindən istintaq başladılıb.

Cütlük 2 həftə əvvəl açıqlama verib.

"Hazırda hüquq departamentimiz lazımi məlumatları toplayır. İndiyə qədər soyad dəyişikliyi istisna olmaqla, bütün xəbərlər böhtandan ibarətdir. Xahiş edirəm eşitdiyiniz heç bir şeyə inanmayın. İnşallah ədalət öz yerini tapacaq. Bizi başqaları ilə eyni kateqoriyaya salmayın”, - açıqlama qeyd olunub.

Bəyənmədiyi üçün “Özsefil” soyadlarını dəyişən cütlük FETÖ-dən qovulduqları iddiası ilə bağlı bunları deyib:

"2016-cı ildə FETÖ hadisələri baş verdi. 2016-cı ildə Göztepe Təhsil və Araşdırma Xəstəxanasında köməkçi həkim idim. Həmin gecə və gündüz çox əməliyyatlar etdim. Daha sonra mütəxəssis oldum. Şanlıurfanın Siverek mahalına getdim və 1 il işlədim. Sonra Ümraniyeyə gəldim və 3 il işlədim. İlhan Varank Təhsil və Araşdırma Xəstəxanasında 1,5 il işlədikdən sonra 2021-ci ildə öz xahişimlə istefa verdim.

Bununla bağlı bütün xəbərlər yalan və böhtan üzərində qurulub”.

Xatırladaq ki, bundan əvvəl məşhur cütlük Dilan Polat, həyat yoldaşı Engin Polat və ailə üzvləri saxlanılıb.

Günay