Mətn ölçüsü:
  • 100%

Elm və təhsil nazirindən QIZILCA AÇIQLAMASI

"Qızılca ilə bağlı prosesi izləyirik. Hazırda əlimizdə Səhiyyə Nazirliyinin Gigiyena və Epidemiologiya mərkəzinin rəsmi məlumatı və iddia olunan hallarla bağlı rəqəmlər var.

Ölkə.Az xəbər verir ki, bu sözləri elm və təhsil naziri Emin Əmrullayev deyib. O bildirib ki, qızılcaya rəsmi təsdiqlənmiş yoluxma hallarının sayı çox deyil:

"Kiminsə qızdırması var, başqa hallar müşahidə olunur və s. Vacib məqam odur ki, valideynlər tibbi müəssisəyə müraciət etsinlər. Nə müəllimin, nə də mənim diaqnoz qoymaq səlahiyyətimiz yoxdur. Tibb məntəqələrinə müraciət vacibdir. Şayiələr və faktlar arasında qalmışıq.
Bizim üçün vacib dövlət qurumu olaraq Gigiyena və Epidemiologiya mərkəzinin məlumatıdır. Çalışırq ki, doğru-dürüst addımlar ataq. Əksər məktəblərimizdə hansısa ciddi problem müşahidə etmirik".

Billurə Yunus