Murad Yıldırımın həyat imtahanı: "O gecə körpəni də, ananı da itirirdik"

Məşhur aktyor Murad Yıldırımın həyat yoldaşı İman Elbani doğuş zamanı ölümlə üzləşib.
Publika.az Türkiyə mediasına istinadən xəbər verir ki, bu barədə aktyor danışıb. O, həmin gecəni həyatının həm ən qaranlıq, həm də ən aydın gecəsi kimi təsvir edib.
"Çox çətin keçdi. Bunu bu günə qədər heç danışmadım. Həm İmanı, həm də körpəmizi az qala itirirdik. Bəli, həkimlər qızımız Mirayı mənə göstərdi. Qucağıma alıb mən də İmana göstərdim. Sonra birdən məni küçəyə çıxardılar. Olanları pəncərədən görməyə çalışırdım.

Xəstəxana otağının qapısı tez-tez açılıb bağlanırdı. Bu hal 1,5 saat çəkdi. Dəhşət idi. Həkim hər şey bitdikdən sonra yanıma gələrək "Allahın sevgili qulusanmış, ikisini də itirirdik" dedi. Daha detalları soruşma, danışmayacağam, amma həqiqətən həyatımın ən ağır gecəsi idi".
Aktyor çarəsiz durumda qaldığını qeyd edib:
" Allah ilə baş-başa idim və edə biləcəyim bir şey yox idi. Hamımız öləcəyik, amma "bu gün deyil" deyə yalvardım".

Qeyd edək ki, kino ulduzunun qızı keçən ilin oktyabrında dünyaya gəlib.