Aygün Kazımovanın ölkədən çıxışına qadağa qoyuldu

Azərbaycanın Xalq artisti Aygün Kazımovanın ölkədən çıxmasına qadağa qoyulub.

Bu barədə tanınmış müğənni Natavan Həbibinin vəkili Fərid Həsənov Ölkə.Az-a məlumat verib. O qeyd edib ki, 01 oktyabr 2015 ci il tarixdə Nəsimi rayon İcra şöbəsinin təqdimatına baxan Nəsimi rayon məhkəməsi xalq artisti Aygün Kazımovanın ölkədən çıxışına qadağa qoyulması barədə qərar çıxarıb.

"Qərarın qəbul edilməsi üçün əsas Aygün Kazımovanın məhkəmə qətnaməsini qərəzli şəkildə icra etməməsidir. Həmin qətnaməyə görə, Aygün Kazımova Natavan Həbibidən üzr istəməli və yaydığı məlumatları təkzib etməli idi. Lakin o, qətnaməni icra etməkdən boyun qaçırır", - deyə Həsənov söyləyib.

Vəkilin sözlərinə görə, hamı qanun və məhkəmə qarşısında bərabərdir, məhkəmə qətnaməsini icra etməyə məcburdur.

"Odur ki, Xalq artisti Aygün Kazımova Natavan Həbibidən üzr istəməsə və təkzib verməsə, heç bir halda ölkə hüdudlarını tərk tərk edə bilməyəcək", - deyə vəkil əlavə edib.

Rəşid

Ölkə.Az