Fəxrəddin Manafov bu televiziyada aparıcı olacaq – VİDEO

Azərbaycan teleməkanında Fəxrəddin Manafovun təqdimatında “Səhnə” adlı veriliş təqdim olunacaq.

Ölkə.Az xəbər verir ki, proqramda səhnə və kulis, yaradıcılıq axtarışları, sənətkarların, səhnə ustalarının həyat və sənət dünyası, eyni zamanda Azərbaycan teatrının keçdiyi tarixi yol, milli teatr sənətimizin qazandıqları və itirdikləri və s. mövzulardan danışılacaq.

Layihənin ideya müəllifi və rəhbəri tanınmış teatr rejissoru, prodüser Ələkbər Tağızadə, aparıcısı isə xalq artisti Fəxrəddin Manafovdur...

Veriliş ATV telekanalında yayımlanacaq. 

“Qloballaşma, informasiya kommunikasiya texnologiyalarının gündən-günə genişlənən imkanları bəzən insanların zamanını, diqqətini elə cəlb edir ki, mənəvi tələbatatları arxa plana keçir. Eləcə də, sənətlə bağlı düşüncələr, axtarışlar, fikir mübadiləsi gündəmə gəlmir. Belə bir dönəmdə tamaşaçılara təqdim olunacaq “Səhnə” telelayihəsi məhz teatrın keçmiş şöhrətini özünə qaytarmağa çalışacaq” – proqramın anonsunda deyilir.