"Acun pulunu ödədiyi üçün hər kəsə hər şey deyə biləcəyini düşünür"

Türkiyədə yayımlanan məşhur “Aşkı-memnu” serialının aktyoru Batuhan Karacakaya “YouTube” kanalında yayımlanan “Haber Bahane” verilişinə qonaq olub.

Ölkə.Az “Haberler.com”a istinadla xəbər verir ki, o, “Suvivor”da yarışarkən hüquqlarının pozulduğunu deyərək Acun Ilıcalını hədəf alıb.

Batuhan “Survivor”da yaşadığı haqsızlıqlardan və anasının paylaşımına görə aldığı reaksiyadan danışıb.

"Survivor” həyatıma mənfi təsir etdi. Ora getməyimi istəməyən menecerlərimlə yolları ayırdım. Mənə serialda baş rol təklif olundu, qəbul etmədim. İlk il qarışıq keçdi. Mənə dedilər ki, məğlub olsan izləyicilərini itirəcəksən, sonra unudulacaqsan. Lakin 500 min adam məni izləməyə başladı. Acun Ilıcalının canlı yayımını 80 min adam izlədiyi halda, mənim yayımıma 120 min adam baxdı.

Məğlub olduqdan sonra anam hər ana kimi "oğluma haqsızlıq edildi" dedi. Anamın bunu yazdığından xəbərim yox idi.

Daha sonra Acun bizim olmadığımız yerdə efirə çıxdı. “Anası bunu qəbul edə bilmədi. Batuhan onsuz da çempion olmayacaqdı. Səs toplaya bilmədi. Ona görə də onun çempion olma ehtimalı yox idi” dedi.

Orada mübarizəmi göstərdim. Lakin anamla olan polemika ilə yadda qalmağa başladım. Ora pul üçün gedənlərə sonsuz hörmətim var. Mənim üçün pul və şöhrət ön planda deyildi. Dünya məni onsuz da tanıyırdı. Yarış zamanı dəfələrlə zədələndim və davam etdim. Kiçik barmağım qırıldı.

Acun pulunu ödədiyi üçün hər kəsə hər şey deyə biləcəyini düşünür. Və edir də. O, anam haqqında da eyni şeyi düşündü. Mən orada olmağıma və zəhmətimə görə pul aldım.

Müsabiqə bitəndən sonra "Acunun anana dediklərini unutma" deyə reaksiyalar alıram. 10 nəfərdən 7-si məni küçədə görəndə "haqqına girdilər" deyir.

Tutaq ki, mən, anam və məni sevənlər də səhv gördü. Bəs bu camaat da belə gördü? Bu hüquqların pozulması söhbəti haradan qaynaqlanır?

O, Batuhan səs toplamadı dedi, inanmadım. Mən böyük səsvermədə 2-ci oldum. Yarışmada qaçmaqdan başqa sizə nə etdim? Anamla söhbəti həll etmək üçün onun yanına getdik. Acun Ilıcalı anama dediklərinə görə xalq qarşısında üzr istəyəcəyinə zəmanət verdi, amma etmədi. Ona görə də “Survivor All Star” təklifini qəbul etmədim. Mənə deyilənləri keçərəm, amma anama haqsızlıq edilib. Acun Ilıcalıya hər fürsətdə özümü xatırlatdım, üzr istəmədi.

Hazırda mən Acunun sözlərinə görə tənqid edilirəm”.

Günay