Kirkorov mühafizəçini səhnədən itələdi, xəsarət yetirdi - Həbs oluna bilər

Pop müğənnisi Filipp Kirkorov Moskvada "Crocus City Hall"da konsert zamanı mühafizəçini səhnədən aşağı itələyib.

Publika.az xəbər verir ki, bu barədə Rusiya mətbuatı məlumat yayıb. Hadisə sentyabrın 27-də müğənni Ani Lorak səhnədə çıxış edərkən baş verib.

Kirkorov sənətçiyə yaxınlaşmaq istəsə də, mühafizəçi onu buraxmamaq qərarına gəlib. Bu zaman müğənni onu itələyib. Nəticədə o, səhnədən yıxılıb. Bundan sonra Kirkorov bir az da irəli gedərək zərərçəkənin üstünə nəsə qışqırıb.

Hadisə nəticəsində mühafizəçi bədən xəsarəti alıb və xəstəxanaya yerləşdirilib. Həmin şəxs polisə müraciət edib. Məsələ ilə bağlı araşdırma aparılır. Kirkorovu sağlamlığa yüngül xəsarət yetirdiyinə görə 4 aya qədər həbs və ya cərimə gözləyir.