Emin Musəvi radio rəhbəri təyin olundu

Tanınmış teleaparıcı Emin Musəvi yeni işə başlayıb

Ölkə.Az-ın məlumatına görə, o, bundan sonra ASAN xidmətin media orqanı olan ASAN FM-in rəhbəri olacaq. Bu barədə Musəvi özü sosial şəbəkədə qeyd edib:

"Əziz dostlar, aldığım təklifə böyük məmnuniyyətlə razılıq verdim. Beləliklə, bundan sonra “ASAN FM” radiosunun rəhbəri vəzifəsində çalışacam. Hazırda texniki məsələlər üzərində iş gedir.
ASAN xidmət-in öz fəaliyyətində rəhbər tutduğu şəffaflıq prinsipinə qoşularaq vurğulamaq istəyirəm ki, ASAN FM-də çalışacaq peşəkar və gənc kadrlar öz bilik və bacarıqlarına uyğun seçiləcəklər.
Əminəm ki, ASAN xidmət kimi ASAN FM də qısa müddət ərzində xalqımızın rəğbətini qazanacaq və sevilən radioya çevriləcək".

Qeyd edək ki, Emin Musəvi bir müddət idi ki, televiziya və radiodakı fəaliyyətini dayandırmışdı.

İntiqam VALEHOĞLU
Ölkə.Az