Şakiranın nəhəng heykəli ucaldıldı - FOTO

Dünya şöhrətli müğənni Şakiranın Kolumbiyada doğulduğu Barrankilya şəhərində heykəli ucaldılıb.

Ölkə.Az xarici KİV-ə istinadla xəbər verir ki, bürüncdən hazırlanmış nəhəng heykəlin uzunluğu 6.50 metrdir.

Mahnıya həsr olunan heykəlin önünə “Ombası yalan danışmaz, bənzərsiz istedad, kütləni hərəkətə gətirən səs” yazılıb.

Müğənni anasının ad günündə ailəsi ilə birlikdə heykəlin yerləşdiyi əraziyə baş çəkib. 

Şakira heykəli çox bəyəndiyini bildirib.

“Heykəltaraş Yino Markesə, regional rəssamlıq məktəbinin şagirdlərinə və ölkəmin xalqına onların böyük sənətkarlıq istedadı nümunəsinə görə təşəkkür edirəm. Bunu ailəmlə və xüsusən də anamın doğum günündə bölüşmək məni xoşbəxt edir. Bu mənim balaca ürəyim üçün çoxdur”.

Günay