Türkiyəli məşhur sənətçi vəfat etdi  - FOTO

Türk Klassik Musiqisinin ən önəmli adlarından sayılan Yüksel Üzel dünyasını dəyişib. 

Ölkə.Az Türkiyə mediasına istinadla xəbər verir ki, Cənubi Afrikanın Yohannesburq şəhərində yaşayan 74 yaşlı sənətçi uzun müddət idi ki, xərçənglə mübarizə aparırdı. 

Uzelin cənazəsi dəfn olunmaq üçün qızı Arzu Üzel tərəfindən İstanbula gətiriləcək.

Arzu anasının ölümü ilə bağlı bunları deyib: 

“Bazar ertəsi İstanbula yola düşəcəyik. Çərşənbə axşamı günorta namazından sonra cənazə namazını planlaşdırırıq”.

Qeyd edək ki, 1997-ci ildə keçirdiyi beyin qanaması səbəbindən uzun müddət müalicə alan Yüksel Üzel sağaldıqdan sonra səhnəni tərk edərək Yohannesburqda məskunlaşıb. Orada tanış olub eşq yaşadığı iş adamı İhsan Börekçioğlu ilə ailə quran Uzelin Arzu adlı qızı olub. Cütlük 2008-ci ildə ayrılıb.

Bununla belə, sənətçi çox sevdiyi Cənubi Afrikada yaşamağa davam edib. O, ötən il verdiyi müsahibədə ölkəni və ab-havasını sevdiyini, istirahət üçün mükəmməl yer olduğunu deyib.

Günay