\"Təranə özünü məhv etdi, onun ölümündən sonra dibə batdı\"

"Təranə "insan öz-özünü necə məhv edə bilər"in sübutudur".

Ölkə.Az xəbər verir ki, bu sözləri maqazin jurnalisti Pərviz Hüseyn həbs edilən prodüser Təranə Səmədova haqqında yazıb. O, vaxtilə yaxşı olan münasibətlərinin korlanmasının səbəbini belə izah edib:

"Bizim çox yaxşı münasibətlərimiz olub, mən həmişə ona inanmağı seçmişdim. Bəlkə haqlı olduğu məqamlar çox idi, amma yersiz isterikası və emosionallığı ilə haqsız duruma düşürdü. İlk dəfə həbsə girib çıxandan sonra çox depressiv olmuşdu. Çünki düşən insan bizim cəmiyyətdə heç kimə lazım deyil. Sonra bir neçə iş görməyə çalışdı, amma alınmadı. Çünki şou-biznesdə əvvəlki çəkisi qalmamışdı. İnsanlar ona olan etimadını itirmişdi, reputasiyası korlanmışdı. İradə xalanın (anasının) ölümündən sonra isə özünü tamamilə itirdi. Mən düşündüm ki, İradə xalanın ölümü ona bir şillə olar, özünə gələr, lakin Təranə tamamilə dibə batdı. Bir dəfə onu normal tapıb söhbət etmək olmurdu. Həmişə ətrafında dəxlisiz, ondan istifadə etməyə çalışan adamlar var idi. O, özü buna şərait yaradırdı. Bilmirəm yalnızlıqdanmı, problemləri sevdiyindənmi bu addımı atırdı. 1-2 dəfə dedim, gördüm dediklərimi yanlış anlayır. Son iki ildə mən də ondan uzaqlaşdım. 
Sonra eşitdim ki, narkotikə qurşanıb, hamilədir, böyük qızına olmazın zülmlər edib və s.

Hələ də anlamıram və belə insanları başa düşmürəm: insan niyə ona bəxş edilənlərə biganə yanaşır, əlində olanlarının qədrini bilmir və özünə belə son hazırlayır?
İndi kiçik qızı uşaq evində, böyük qızı illərdir düşmənlik etdiyi Rəqsanənin evində... Tam bir tragediya...", - deyə o qeyd edib.

Qeyd edək ki, Bakıda hədə-qorxu ilə tələb etmədə təqsirləndirilən prodüser Təranə Səmədova və onun tanışı Rasim Həsənova bu gün hökm oxunub.

Hökmə əsasən, T.Səmədova 6 il, R.Həsənov isə 7 il müddətinə azadlıqdan məhrum edilib.

 

Ölkə.Az