“Gərək boşanma qərarını daha öncə verərdim” - VİDEO

“Bayağı mahnıların bu dərəcədə sevilməsi cəmiyyətimizin faciəsidir”.

Ölkə.Az xəbər verir ki, bunu AZXEBER.COM-un “youtube” layihəsi “Gəl danış”a müsahibəsi zamanı müğənni Nərmin Kərimbəyova deyib.

Kərimbəyova, ad çəkmədən sərt ittihamlar səsləndirib:

“Məndən incisələr də bunu deyəcəyəm. Paxıllıq da eləmirəm. Doğrudan da onlar hamımızdan öndədirlər və bu cəmiyyətimizin faciəsidir. Çünki xalq onları bəyənir, çıxardır ortaya. Kənardan baxırsan, nə deyəsən? Budur da. Onları da qınamıram, zövqləri budur. Amma insan gərək özünə hörmət eləsin. Onlar özlərini də, oxuduğu mahnıları da çox bəyənirlər təəssüf ki, özgüvənləri çox yüksəkdir. Hesab edirlər ki, ulduzdurlar, Maylk Ceksondurlar. Olsunlar. Uçsunlar”.
Nərmin Kərimbəyova həmçinin ilk dəfə ailəsinin dağılma səbəblərindən danışıb.

12 illik ailə həyatını sonlandıran sənətçi bu qərara birdən-birə gəlmədiyini deyib:

“Səbəblər çoxdur, bunu bir şeyə bağlamaq olmaz. İllərlə yaşanan problemlər son illərdə dözülməz dərəcədə artdı. Razı qalmadığım məqamlar çox idi və onları dəyişmək mümkün deyildi. Olsa idi, dözərdim. 12 il evli olmuşam”. 

Jurnalistin "Yoldaşın mübarizə apardı, prosesləri uzatdı, məhkəmələrə gəlmədi..." sözlərinə müğənninin cavabı belə olub:

“Hə, çox uzatdı hətta. Amma bu da doğru bir şey deyil. İnsanlar qərar verib dost kimi ayrılmalıdır, hələ üstəlik övlad varsa ortada. Bir-birinin qərarlarını hörmətlə qəbul etməlidirlər. 12 il səbir etmişəm və ayrılandan sonra anladım ki, gərək çoxdan verərdim bu qərarı. Düşünürdüm ki, dost kimi ayrılarıq, amma gördüm alınmır. Heç kim, heç kimdən istifadə edə bilməz”.