Məşhur aktrisa ərindən danışdı: \"Yaraşıqlı olanda, elə bilirlər ki...\"

Aktrisa Gupse Özay həyat yoldaşı Barış Arduçdan danışıb və bildirib ki, o, komik rolların da mahir ifaçısı ola bilər.

"Ölkə.az" xəbər verir bu yaxınlarda ssenarisi özünə aid olan "Lohusa" filmini təqdim edən aktrisa Gupse Özay ekran işi ilə bağlı mediaya tez-tez müsahibə və açıqlamalar verir. Aktrisa son açıqlamasında qeyd edib ki, Barış Arduçla çox əyləncəli cütlükdür.

"Həyat yoldaşımla yenidən eyni filmdə olmaq istəyərəm. Birlikdə bir komediya çəkməyi düşünürük. O, məndən daha komikdir. Yaraşıqlı olanda, elə bilirlər ki, yumor qabiliyyəti yoxdur. Amma gördüyüm ən komik insandır. Türkiyədə də belə bir insan yoxdur", - aktrisa ərini tərifləyərkən deyib.

Qeyd edək ki, cütlüyün bir qızı var.