\"Məgər müğənnilər arasında narkomanlar yoxdur?\" - İttihamları rədd etdi (VİDEO)

“Hazırda meyxana narkotiklə mübarizə aparır. Meyxana narkotiki təbliğ etmir”.

Ölkə.Az xəbər verir ki, bu sözləri tanınmış meyxanaçı Pünhan Əzim bəstəkar-müğənni Murad Arifin “Popumuz var” verilişində qonaq olarkən deyib. 

O, aparıcının “Niyə meyxana aləmində narkotik mövzusu danışılır” sualına etirazını ifadə edib. O bildirib ki, narkomanlar bütün sahələrdə var: 

“Meyxanaçılar narkomandır” düşüncəsi yalnışdır. Narkotika cəmiyyətin bəlasıdır. Məgər digər sahələr və yaxud müğənnilər arasında narkomanlar yoxdur?! Əlbəttə ki, var. Sadəcə, meyxanaçılar digər sənət sahələrindən fərqli olaraq daha çox xalqın içində, göz qabağında və yanındadır. Ona görə də meyxanaçılar haqqında rəy var. Amma, məsələn, opera ifaçılarını bizim qədər xalq tanımır, ona görə də pis vərdişlərinə bələd deyil”. 

P.Əzim “Demək istəyirsən ki, narkoman meyxana ifaçıları narkoman opera ifaçılarından çox deyil” sualına isə “İndi, hazırda elədir” cavabını verib.