Ayaqlarının kəsilməsinə razılıq vermişdi, Emildən danışmağa layiq deyillər

“Həkimi çağırın, ayaqlarımı kəssin...”- Emilin həyat yoldaşından açıqlamaa

AZXEBER Medianın "Gəl danış” rubrikasının budəfəki qonağı mərhum müğənni Emil Rəhmanın həyat yoldaşı Sabrina Qəmzəyeva olub.

Ölkə.Az xəbər verir ki, həyat yoldaşı Emilin vəfat etməsinin bilinməyən tərəflərindən danışıb.

Onun sözlərinə görə, Emil yaşamaq üçün ayaqlarının kəsilməyinə razılıq vermişdi:

“Evdə halı pisləşdi, apardıq xəstəxanaya. Gedəndə də anama dedi ki, yarım saata evdəyəm. Heç kəsin ağlına gəlməzdi ki, emil gedəcək və qayıtmayacaq. Xəstəxanada dünyasını dəyişdi. Sən demə ayağında tromb var imiş, bilməmişik. Xəstəxanada sonuncu dəfə ona ayağının kəsiləcəyini dedim. Əvvəl razılaşmadı. Sonra ona qazilərimizi xatırlatdım, həyatla necə barışdıqlarını başa saldım, nəhayət razılıq verdi. Dedi ki, həkimi çağırın ayağımı kəssin, yaşamaq istəyirəm. Amma qismət olmadı”.

Sabrina xanım bütün səhvləri ilə Emili qəbul etdiyini etiraf edib:

“Bu həyatın görünən üzü ilə yanaşı, görünməyən tərəfləri də var. Səhvsiz bir Allahdır. Hər kəsin mənfi cəhətləri var. Bəli, Emil bu xəstəlikdən əziyyət çəkib. Amma nə o özü bundan utanmayıb, nə də mən ondan. Emil çox sağlam insanlardan da şərəfli, qeyrətli, mərd oğul idi. Allah ona xəstəliklə yanaşı elə bir sənət vermişdi ki, indiki müğənnilər 40 il öyrənsələr də elə ifa edə bilməzlər. Bunu deyənlər Emil olmaq istəyən, ancaq ola bilməyənlərdir. İnanın ki, bu qədər problemləri ilə yanaşı onun nə qədər paxıllığını çəkənlər də vardı. Həmin insanlar Emil haqqında ümumiyyətlə, danışmağa layiq deyillər. Əgər mən həyat yoldaşı olaraq Emildən razıyamsa, onlar kimdir ki Emili pisləsinlər? Buradan da eşitsinlər, Emilin şəxsi həyatı onun özü üçün idi”.