Avroviziyada böyük dəyişikliklər

Avroviziya 2024-də önəmli dəyişikliklər ediləcəyi açıqlanıb.

Bu barədə müsabiqənin rəsmi saytında məlumat verilib.

İlk dəyişiklik ondan ibarətdir ki, böyük beşlik (Böyük Britaniya, İtaliya, İspaniya, Almaniya, Fransa) və ev sahibi olan ölkə yarımfinallarda çıxış edəcək. 6 təmsilçi yarımfinallar ərzində iştirakçı ölkələrin performansları arasında səhnəyə çıxacaq.

Bundan əlavə, birinci çıxış başladığı andan etibarən səsverməyə start veriləcək, dünya səsverməsi isə 1 gün öncədən açılacaq.

Müsabiqədə daha bir böyük dəyişikliyin də olacağı, bunun isə yaxın günlərdə açıqlanacağı bildirib.