Türkiyəli məşhur müğənniyə Avroviziyadan təklif: O mahnı ilə çıxacaq - VİDEO

“Eurovision” (Avroviziya) beynəlxalq mahnı müsabiqəsində Türkiyəyə birincilik gətirən Sertab Erener 21 ildən sonra yenidən müsabiqəyə qatılacaq.

Ölkə.Az xəbər verir ki, bu barədə Türkiyə mətbuatı yazıb.

Belə ki, müğənni İstanbulda verdiyi konsert zamanı bu il Avroviziyanın keçiriləcəyi İsveçdən ona dəvət gəldiyini bildirib.

İfaçı deyib ki, ona qalibiyyət gətirən "Everyway That I Can" mahnısını fərqli variantda ifa edəcək. Müğənni səhnə üçün xüsusi şou hazırlamağı da planlaşdırır.

Qeyd edək ki, S.Erener 2003-cü ildə sözügedən mahnı ilə Avroviziyanın qalibi olmuşdu.

Xatırladaq ki, Türkiyə 2012-ci ildən sonra öz istəyi ilə beynəlxalq mahnı müsabiqəsində iştirak etmir.

Billurə