Pərvinin atası ilə qınanan fotosu, "bədbəxt Elgiz"in yaşadığı ev - VİDEO

Aktrisa Pərvin Abıyeva atası ilə birgə fotosunu paylaşdıqdan sonra qınağa tuş gəlib.

Ölkə.Az xəbər verir ki, bu barədə "Elgizlə izlə" proqramında danışıb. Belə ki, fotodakı köhnə servant bəzi izləyicilərinin diqqətini çəkib və ona mənfi rəylər yazıblar. 

"Görürsünüz, insanlar hara qədər fikir verirlər. Bu, rayon, kənd evi ola bilər. Hər şey qaldı kənarda, bir o servant gözə göründü", - deyə o bildirib.

Aparıcı Elgiz Əkbər də başına gələn oxşar əhvalatdan danışıb. 

“Bir dəfə məni verilişə dəvət etmişdilər, orada dedilər ki, ay camaat sizi təəccübləndirəcəyik, görün, Elgiz harada yaşayır, yazıq, bədbəxt Elgiz, Allah haqqı. O, bəxbəxt sözünü demədi, amma elə çıxdı. Deməli, plana düşmüş həyətdir, orada dartıb borunu qırıblar, su tökülür. Yanımda olan qonaqlar məəttəl qalıblar ki, doğrudan Elgiz burada yaşayır? Dedim ki, mən burada yaşamıram. Aparıcı mənə əli ilə işarə etdi ki, səsimi çıxartmayım. Deməli, belə obraz yaratmalıydılar ki, guya mən belə yerdə yaşayıram. O süjetdən sonra bəzi insanların mənə qarşı münasibəti dəyişdi. Şükürlər olsun, mən çox yaxşı yaşayıram”, - deyib.