Türkiyənin ötən il ən çox izlənən serialı açıqlandı

2023-cü ildə Türkiyədə ən çox izlənən serial açıqlanıb.

Ölkə.Az Türkiyə mətbuatına istinadla xəbər verir ki, Türkiyə Televiziya İzləmə Araşdırmalar Komitəsi 2023-cü il üçün tamaşaçı davranışı hesabatını yayımlayıb.
Məlumata görə, ötən il Türkiyə efirlərində ümumilikdə 115 serial yayımlanıb, onlardan 51-i final edib.

Təhlillər 40 vilayətdə 4343 evə quraşdırılan reytinq cihazlarının göstəricilərinə əsasən aparılıb.

Hesabatda qeyd olunub ki, ən çox baxılan serial 14.77 reytinqlə "Yalı Çapkını"dır. 

Təhlillər göstərir ki, televiziya tamaşaçıları 45 yaşdan yuxarı olanlar, qadınlar və İzmirdə yaşayanlardır.

İnsanların televiziya ən çox baxdığı günün isə bazar günü olduğu bildirilib.

Billurə