Təranənin ilk əri, Qumralın atası: “Danışmaq istəmirəm”

Müğənni Təranə Qumralın ifaçı qızı Qumral ilk dəfə efirdə hərbçi atası ilə bağlı danışıb. 

Ölkə.az bizim.media-ya istinadla xəbər verir ki, bu barədə söhbət "Rəngarəng səhər" verilişində düşüb. 

Qumral bildirib ki, vaxtaşırı atasına baş çəkir: "Bacım Fidan onunla görüşmür. Anam atamla görüşməyimə heç zaman etiraz etməyib. Təbii ki, atam Fidanı görmək istəyir. Hətta Fidan və onun uşaqları ilə videozəng vasitəsi ilə danışır. Amma bacımdan fərqli olaraq, mən atamla daha sıx əlaqədə oluram. O bizə gəlir, mən də onlara gedirəm. Atam evli olsa da, övladı yoxdur". 

Təranə Qumral ilk ərindən boşanmasının səbəbləri ilə bağlı danışmaqdan boyun qaçırıb: 

"Birinci ərimdən özüm ayrılmışam. Niyə boşandığımız haqda danışmaq istəmirəm. Niyələrim isə mənə qalsın. 31 ildir ki, mən Musa Musayevlə evliyəm. Bu isə bir igidin ömrüdür".