"Əsl halal zəhmət bizdədir"

"Allah həmişə istədiyi bəndəsinə əziyyət verir ki, görüm, bu insan şüküründən keçəcək, ya yox. Yəni ki, mənə üsyan edəcək? Hər kəsin ailəsində söz-söhbət olur, amma biz musiqiçilər doğurdan da zəhmətkeşik. Əsl alın təri, halal zəhmət bizdədir. Ona görə ki, yuxusuzluğu, toz-torpağı və təri var". 

Bu sözləri Əməkdar artist Gövhər Rzayeva qonaq olduğu "7 Tamam" verilişində deyib. Sənətçi insanların çox dəyişməsindən gileylənib:

"Həyat doğurdan çox qısadır. Yuxudan durursan, səhərlə axşam bir olur. Ömürdən, gündən gedir. Ona görə insanlar gərək biri-biri ilə mehriban, həmdəm olsunlar. Hərdən deyirəm ki, pandemiyadan sonra bunlara nə iynəsi vurublar ki, insanlar biri-birinə qarşı laqeyd, paxıl olublar. Bir adamın pis günü olmasına sevinirlər. Çox dəyişiblər, bilmirəm nədəndir".