Tatlısesin ailəsində qalmaqal: məni cangüdənin etdin, övladlarına travma yaşatdın...
Türkiyəli "imperator" ləqəbli məşhur müğənni İbrahim Tatlıseslə ailə üzvləri arasında gərginlik bitmək bilmir.
Ölkə.Az xəbər verir ki, daha əvvəl də oğlu Ahmet Tatlıses və digər övladları ilə münasibətləri korlanan İ.Tatlıses nəvəsi Merti məhkəməyə verib.
Nəvəsinin evini işğal etdiyini deyən sənətçi məhkəmə qərarı ilə evi onun əlindən alıb.
Sözügedən hadisədən sonra yerli televiziyalardan birində danışan müğənni evi ola-ola qızının kirayədə yaşadığını deyib:
"Evim var, amma qızıma verə bilmirəm. Belə şey olar? İndi verəcəyəm. Nəvəmlə aramda problem yoxdur, lakin bu saatdan sonra ola bilər. Mən onlara sahib çıxdım. O, əvvəlcə getsin atalığı öyrənsin. Mən övladım kirayədə yaşadığı halda onun övladına ev verə bilmərəm" - İ.TatlısEs deyib.
Onun bu açıqlamasından sonra oğlu Ahmet Tatlıses də sükutu pozub və atasının onlara travma yaşatdığını söyləyib:
"Oğlum Merte illər əvvəl öz razılığı ilə evlərindən birini verib. Verdi deyəndə təbii ki, kupçasını yox. Oğlum 6 il əvvəl evləndi və ailəsi ilə orada yaşamağa başladı. Sonra özü (İ.Tatlısəs-red.) bunu yenicə öyrənibmiş kimi məhkəməyə verdi. Oğlumun evdən çıxmasını və ötən dövrdə ödənilməli olan kirayə haqlarını faizi ilə birgə istədi. Mən belə şeylərə öyrəşmişəm, amma oğluma pis təsir etdi.
Oğlum 2 yaşında anasını leykemiyadan itirib. O vaxt da vətənə olan borcumu ödəməyə getmişdim. Əsgərlikdən gəldim, atalığımı elədim.
Mən oğluma atalıq edəndə illərlə sənə də övladlıq etdim. Atalığın necə olduğunu çox yaxşı bilirəm. Siz bu mövzuda danışacaq son insansınız. Hələ uşaq yaşımda məni özünüzə cangüdən, sıxlıqda, konsertlərdə özünüzə qalxan etmiş insansınız.
Bu bəs deyilmiş kimi başınıza gələn hər hadisəyə görə məni ittiham etmiş atasınız. Yuxarıda Allah var. Mən illərlə canımı heçə sayıb sizi qorudum. Siz mənim atalığımı da, övladlığıma da sorğulaya bilməzsiniz.
Özünüzü hər təhlükədə hiss etdiyinizdə "yetiş" dediyinizdə yanınızda mən var idim. İndi "atalıq öyrən" deyirsiniz. Sizi özümə örnək götürsəydim, vay uşaqlarımın halına. Atalığınızla təkcə mənə yox, digər övladlarınıza da ağır travmalar yaşatmısınız.
Sizin üçün etdiklərimə görə peşman deyiləm. Hər nə qədər sevgisiz, atalıq duyğusundan məhrum olsanız da, mən övladlıq vəzifəmi yerinə yetirdim. Aslan kimi iki oğlum var. Səhv də, düz də etsələr, arxalarından qürurla baxıram. Sizin kimi övladlarıma bəddua etmərəm".
Ahmetin açıqlamalarına biganə qalmayan İ.Tatlıses oğlunu mirasından rədd edəcəyini deyib:
"Mənə “zehni qabiliyyətimin yerində olmadığını" deyib böhtan atdı. 5 xəstəxanaya getdim ki, sağlam olduğuma dair sənəd alım. Hamısı da psixi sağlam olduğuma dair sənəd verdi.
İndi ata-oğul münasibəti necə olurmuş görəcək. Bodrumdakı 4 evi də ondan alacağam. Vərəsələyimdən rədd edəcəyəm. Verdiyim 7 mağazanı işlədə bilmədi, batdı. Artıq elə müftə həyat yoxdur", - deyə müğənni əlavə edib.
Billurə Yunus
