"Evlənmək üçün yaxşı qızlar da, oğlanlar da var"

"İnsan tanıyıram ki, milyonçudur, amma evlənmir. Evlənməməyə səbəb problem deyil. Problem bitmək bilməz. İnsan buna hazır olmalıdır".

Axşam.az xəbər verir ki, bu sözləri müğənni Elvin Abdullayev "Elgizlə izlə" verilişində deyib. Sənətçi proqramda müzakirə edilən oğlanların evlənməməsi və "evlənməyə qız tapmıram" deməsinə reaksiya verib:

"Yetərincə yaxşı oğlan da, qız da var. Səbrli olmaq və dözmək lazımdır. Qohumumun toyu oldu, atası zəhmətlə qazanıb ona ev alıb. Toydan sonra evə gedib, zəng vurub atasına ki, su gəlmir. Bir az bərk olmaq lazımdır. Mən necə oxudum, diplom aldım, ailə qurdumsa heç valideynlərimin xəbəri olmadı. İnsan özü bir az hər şeydən xəbərdar olmalıdır".