Onun başı üçün deyil - "Tərbiyəsizlikdir" deyən Xalq artistinə CAVAB 

"O gün "xalx(q)ın artistlərindən" biri açmışdı ağzını, danışmırdı. Məhz ağzını açmışdı ki, "Alatava" elə, yaxud belə". 

Ölkə.Az xəbər verir ki, bu sözləri aktyor Kamran Ağabalayev "Alatava" serialını tənqid edən Xalq artisti Əli Nurun ünvanına cavab olaraq yazıb. Lakin həmkarının adını açıqlamadan həmin fikirlərə münasibət bildirib.

"Tənqidə hər zaman açığam, elə uşaqlar da həmçinin, amma 8 oynadığı filmdə 8 dəqiqə ekran vaxtı olan xalxın artistinin əziyyəti yerə vurmaq başı üçün deyil. Amma eybi yox, başı üçün olmayanların yaşına hörmət etməyi çox şükür bilirik", - o yazıb.

Xatırladaq ki, Xalq artisti Əli Nur serialı sərt şəkildə tənqid edib və çıxışında "tərbiyəsizlikdir", "həyasızlıqdır" kimi kobud ifadələr yer alıb.