Əli Mirəliyevin səhhəti qəfil pisləşdi

"Hazırda atamın vəziyyəti çox pisdir. Anam zəng vurub ki, səhhəti qəfil pisləşib. Bəs ona bir şey olsa, kim cavab verəcək".

Bu sözləri Ölkə.az-a açıqlamasında tanınmış müğənni Əli Mirəliyevin qızı Samirə Mirəliyeva atasının adından yayılan fikirlərə münasibət bildirərkən səsləndirib. Samirə Mirəliyeva bildirib ki, dünən atasına zəng edərək hədə-qorxu gəliblər:

"Atama hədə qorxular olub. Dünən gizli nömrədən ona zəng vurub deyiblər ki, səni jurnalistlərin əli ilə vuracağıq. Yetmiş yaşında xəstə insandır. Onun hissləri ilə oynamaq olar? Sabah ona bir şey olsa kim cavab verəcək. Oturub uşaq kimi ağlayır".

Qeyd edək ki, wsemir.com saytı Əli Mirəliyevin Rəşid Behbudov, Mirzə Babayev və Yalçın Rzazadənin gey olduğu barədə açıqlamasını yaymışdı.

İntiqam VALEHOĞLU

Ölkə.az