Azərbaycanlı reperin bir milyon borcu var
"Ptaxa" ləqəbli azərbaycanlı reper David Nuriyevin Rusiya Federal Vergi Xidmətinə bir milyon rubla (təxminən 18700 manat) yaxın borcu var.
Qaynarinfo xəbər verir ki, bu barədə "Shot" "Telegram" kanalı məlumat yayıb.
Nəşrin məlumatına görə, məhkəmə icraçıları ödənilməmiş cərimələrə görə sənətçiyə qarşı icra işləri başlayıb.
Nəşrin mənbəsi aydınlaşdırır ki, "Ptaxa"nın borcu bir neçə həftə əvvəl 106,5 min rubl idi, indi isə 946,9 min rubla çatıb və məbləğ hər gün artır.
Nuriyevin Moskvada parkinq üçün bir neçə avtomobil cəriməsi yığdığı da məlumdur.
Nəşrin nümayəndəsi ilə söhbətində sənətçinin komandası borcunu Nuriyevin xəstə olması ilə izah edib.
