"Həmin ifaçılara baxanda gülməyim tutur"

"İndiki gənclərə baxıram gülməyim tutur. Bir-iki mahnı yazır, klip təqdim edir və bitdi. Sənətkar sənəti yaşatmalıdır".

"Ölkə.az" xəbər verir ki, bu sözləri Xalq artisti Nazpəri Dostəliyeva "Gündən-günə" verilişində deyib. Müğənni gənc ifaçılardan gileylənib:

"Əgər bunu bacarırsa, sənət də, sənətkar da yaşayacaq. İlk addımı sənətkar atmalıdır. O qədər gözəl sənətkarlar var ki, aktiv deyil. Passiv olub, bir-iki nailiyyətləri ilə kifayətləniblər. 1996-cı ildən bu yana kimi bəzi fasilələri çıxmaq şərtiylə Nazpəri tələbatlı olub. Bunun səbəbi isə dayanmadan, durmadan sənətimlə məşğul olmağımdır. Əsgər kimi sənətimin keşiyində dayanmışam. İndiki müğənnilər sənətin məsuliyyətini başa düşmür, anlamırlar. Elə bilməsinlər mikrofonu ələ aldım, müğənni oldum, bir-iki pərəstişkarım oldu bitdi".