38 yaşlı aktyor küçədə öldürüldü - FOTO
Aktyor Conni Uokter Los-Ancelesdə öldürülüb.
BAKU.WS xəbər verir ki, bu barədə Los-Anceles Polis Departamenti məlumat yayıb.
Bildirilib ki, hadisə bazar günü gecə saat 03-00 radələrində "West Pico Boulevard"da küçədə baş verib.
Aktyorun anası "Fox News Digital"a açıqlamasında bildirib ki, ondan və həmkarından barmenlik etdiyi məkanda gecə saatlarına qədər qalmağı xahiş ediblər.
Onlar maşınlarına qayıdarkən naməlum şəxslə aralarında qarşıdurma baş verib.
"TMZ"nin yaydığı məlumatına görə, aktyor sonuncu dəfə Station 19, Criminal Minds və Hollywood Girl-də görünüb. Polis hələ ki, şübhəlilər haqqında heç bir məlumat verməyib.
Conni Uokter “General hospital” serialındakı Brando Korbin rolu ilə tanınır.
