\"Orxanın itməsi bəzilərinin əl-qolunu açıb\"

"Şou-biznesində elə insanlar var ki, Orxan Nadirovun itməsinə sevinirlər. O, İlhamə Quliyevanın yanında olanda bəzilərinə rahat deyib-gülməyə, yeməyə imkan verməyib. Orxanın itməsi şou-biznesdə olan bir çox insanın əl-qolunu açıb".

"Ölkə.az" xəbər verir ki, bu sözləri aktyor Sərxan Kərəmoğlu "Səni axtarıram" proqramında deyib. O, mərhum Xalq artisti İlhamə Quliyevanın Orxanın yaxşı yaşaması üçün heç bir şərait yaratmadığını bildirib: 

"Orxanı yanında İlhamə Quliyeva gəzdirib. Onu cəmiyyətə oğlu kimi təqdim edib. Öz anası Lalə xanım onu övladlığa verməyib. İlhamə xanımın əlində güc var idi. Gedin Lalə xanımın yaşadığı evinə baxın. Ətrafı qızıllarla, brilyantlarla dolu olan İlhamə əgər onu övladlığa götürmüşdüsə, Orxana bir şərait yaradardı. Evində oturmağa bir stulu yoxdur".

Qeyd edək ki, Orxanın anası lalə Orxanın 2023-cü ilin sentyabrından itkin düşdüyünü deyib.