Tanınmış müğənniyə şok yaşatdılar

İstanbulun Şişli  məhəlləsində  təhlükəsizliyin yüksək səviyyədə təmin olunduğu bir ərazidə  tanınmış kosovalı müğənni Morena Tarakunun   iqamətgahında baş verən oğurluq hadisəsi eşidənləri şoka salıb.

Ölkə.Az xəbər verir ki, müğənninin köməkçisi Serkan Elmas evə daxil olarkən qarət edilmiş mənzərəni görən zaman polisə xəbər verib.

Oğrular Morena Tarakunun nə az nə çox, düz 1 milyon avro dəyərində zinət əşyalarını, dəbdəbəli saatlarını və 65 kiloqramlıq seyfini aparıblar.

Müğənninin köməkçisi Serkan Elmas polisə verdiyi ifadəsində bir müddət əvvəl işdən çıxardıqları işçi Xayla A.-dan şübhələndiyini bildirib.

İddiaya görə, Xayla A. Elması zəng edərək müğənninin xaricdə olub-olmadığını soruşub. Onun yerinə başqa işçi tutmadıqlarını deyən Elmas həmin şəxsin evin açarının surətini çıxararaq mənzilə daxil olduğunu qeyd edib.

Hadisə ilə bağlı istintaq işi açılıb və araşdırma aparılıb. İstintaq araşdırması zamanı təhlükəsizlik kamerasında 3 nəfərin əvvəlcə mənzilin ətrafında kəşfiyyat apararaq çamadanlarla mənzilin yerləşdiyi mərtəbəyə girdiyi, 2 saat 15 dəqiqə sonra isə yenidən çamadanlarla çıxıb getdiyi qeydə alınıb.

Görüntülərdəki 3 nəfərin şəxsiyyəti ilə bağlı araşdırma başlanıb.

Bundan əlavə, şübhəli Vali V.-nin daha 3 nəfərlə əməkdaşlıq etdiyi və evə daxil olmaq üçün onun adına verilmiş kartdan istifadə etmələrinə razılıq verdiyi iddia edilib.

Vali V. ittihamları rədd etsə də, məsələ ilə bağlı istintaq davam edir.

Əgər istintaq şübhəli Vali V.-nin hadisədə əli olduğunu sübut edərsə, o zaman onu 13 il həbs gözləyir.

Şübhəli şəxs yaxın günlərdə hakim qarşısına çıxacağı gözlənilir.

Mürtəza
Ölkə.Az