Müğənni Hadisə bu seriala çəkilir: Fantastik məbləğə razılaşdı - FOTO
Türkiyəli müğənni Hadise Açıkgöz seriala çəkilir.
Ölkə.Az xəbər verir ki, bu barədə jurnalist Birsen Altuntaş məlumat yayıb.
Məlumata görə, müğənni rəqəmsal platformada yayımlanacaq "Əsas oğlan" adlı serialda aktrisa Seda Bakanla baş rolu paylaşacaq.
Serialda iki subay qadının macəraları ekrana gətiriləcək. “Əsas oğlan” serialının rejissoru Şenol Sönmez, ssenari müəllifi Meryem Gültabak və Cihan Çalışkantürkdür.
Bu günlərdə ssenariyə son düzəlişlər edildiyi, heyətdə yer alacaq digər aktyorların yaxın həftələrdə bəlli olacağı bildirilir.
8 seriyalı ekran işi üçün Hadisənin 10 milyon lirə qonorar alacağı da məlumatlar arasındadır.
Qeyd olunur ki, Hadisəni seriala çəkilməyə real həyatda da yaxın rəfiqəsi olan Seda Bakan razı salıb.
Billurə
