Hasan Can Kaya saxlanıldı

Türkiyəli komediya aktyoru, "Konuşanlar" layihəsi ilə məşhurlaşan Hasan Can Kaya saxlanılıb.

Ölkə.Az NTV-yə istinadla xəbər verir ki, o, tanış olduğu gənc qadını evində zorla saxlamaqda ittiham edilir.

Məlumata görə, özəl universitetlərdən birinin məzuniyyət qonaqlığında iştirak edən 23 yaşlı Nazlıcan A. orada tanış olduğu aktyorun İstanbuldakı evinə gedib. İddia olunur ki, gecə  saatlarında aktyorun ona yaxınlaşmasından narahat olan qadın evdən çıxmaq istəsə də, Hasan Can Kaya onu saxlayaraq getməsinə icazə verməyib. 

Daha sonra gənc qız dostlarına olduğu yerin xəritədəki ünvanını göndərib:
“Mənə narkotik verdilər, bilmirəm hardayam. Evdən çıxmağa qoymur",- deyə qız yazıb.

Nazlıcan A-nın dostu mesajı gördükdən sonra dərhal polisə xəbər verib. Gənc qadını xəritə vasitəsilə tapan Beşiktaş polisi gecə saatlarında həmin ünvana gəlib. 
Qızın şikayəti əsasında Hasan Can Kaya saxlanılaraq polis bölməsinə aparılıb. Polis bölməsinə gedən gənc qız şikayətini geri götürüb. 

Tanınmış aktyor iddiaları rədd edərək belə bir hadisə yaşanmadığını, Nazlıcan A. ilə yanaşı, evdə başqa qadınların da olduğunu deyib.

İzahatı alınan aktyor daha sonra sərbəst buraxılıb.

Billurə