Azərbaycanlı aktrisaya ağır itki - FOTO

Türkiyədə yaşayan və işləyən məşhur azərbaycanlı aktrisa, Əməkdar incəsənət xadimi Məlahət Abbasovaya ağır itki üz verib.

Ölkə.Az xəbər verir ki, sənətçinin qayınanası dünyasını dəyişib.

Bununla bağlı sosial şəbəkələrdə paylaşım edən aktrisa qayınanasını anası qədər çox sevdiyini bildirib:

"Və son. Dünən canım anam evimdə mələk oldu. Sənə "qayınana" deyə bilmirəm, çünki mənə analıq etmisən. Gözəl anam, sən evimin dirəyi idin. Sən anaların anası idin, mələk üzlüm. Yaxşılıq, yardımsevər bir qadın idin, anam. Hamımız pərişanıq. Səndən ötrü çox darıxacağıq. Yaxşı ki, mənim anam oldun. Yaxşı ki, uşaqlarımın sənin kimi nənəsi oldu. Dünən mənə son baxışlarını, mənə "əlvida" deyə əl etməyini əsla unutmayacağam. Haqqın ödənməz. Məkanın cənnət olsun, nurlar içərisində yat! Allah sənə rəhmət etsin!"

Billurə