Hülya Avşar ekranlara qayıdır: Onunla baş rolları paylaşacaq - FOTO

Türkiyəli məşhur müğənni və aktrisa Hülya Avşar uzun fasilədən sonra "Aşkın Dünkü Çocukları"(“Sevginin dünənki uşaqları” ) filmi ilə çəkilişlərə qayıdır. 

Ölkə.Az Türkiyə mətbuatına istinadla xəbər verir ki, Avşar filmdə ustad aktyor Uğur Yücel ilə baş rolda oynayacaq.

Avşar İsabeli, Yücel isə Arif adlı iki sevgilini canlandıracaq. Əldə edilən məlumata görə, film ikilinin 18 illik yaşlarındakı halı ilə başlayacaq və 40 illik bir zaman sıçrayışı ilə günümüzə qədər uzanacaq.

“Sevginin dünənki uşaqları” illərlə bir-birlərinə həsrət qalan çox fərqli mədəniyyətlərdən olan iki sevgilinin acı-şirin hekayəsini ekrana gətirəcək.

Qeyd edək ki, H.Avşar sonuncu dəfə 2021-ci ildə “Masumiyyet” serialında rol alıb.