Ajda Pekkan konsertində od püskürdü - VİDEO

“Superstar” ləqəbli türkiyəli müğənni Ajda Pekkanın İstanbulun Harbiye razisində verdiyi konsert zamanı mübahisə yaşanıb.

Ölkə.Az "hurriyet"ə istinadla xəbər verir ki, buna səbəb ön sırada əyləşənlərin konserti erkən tərk etməsi olub.

Onların bu hərəkətinə qəzəblənən müğənni ifasını yarımçıq kəsərək söyüşlə danışmağa başlayıb:

“Mən sizin konsertinizə gəlsəm, ən öndə protokol sırasında otursam və sonra ... getsəm, siz nə deyərdiniz?  Protokol qaydalarını bilmirsinizsə, göstəriş üçün bura gəlməyin” - o deyib.

Konsert iştirakçıları bu hərəkətindən dolayı Pekkanı alqışlayıblar.

Müğənninin sərt çıxışına baxmayaraq hələ də konserti tərk edənlər olub.
Türkiyə mətbuatı ona edilən hörmətsizliyə dözə bilməyən ifaçının menecerinə göstəriş verdiyini yazıb:

“Otursunlar burada. Mahnım bitmədən heç kim dura bilməz”, - deyə o söyləyib. 

A.Pekkan daha sonra oxumağa davam edib. 

Ölkə.Az