Elza Seyidcahandan seçki açıqlaması: "Elə deputat olacağam ki..."

Deputatlığa keçmiş namizəd, əməkdar artist Elza Seyidcahan məğlub olduğu parlament seçkiləri barədə danışıb.

Müğənni Ölkə.az-a açıqlamasında bildirib ki, geri çəkilmək fikri yoxdur:

"Heç vaxt gəldiyim uğurlu yoldan geri çəkilməmişəm. İri addımlarla irəliləyirəm. Fəxr edirəm ki, azərbaycanlıyam, Yeni Azərbaycan Partiyasının üzvüyəm, fəxr edirəm ki, prezidentim İlham Əliyevdir, prezidentimizin əsgəriyəm. Harda dur desələr, duracağam. Gələcəyə doğru gedirəm. 2020-ci ildə də namizəd olacağam. Elə millət vəkili olacağam ki, hər kəs məndən danışacaq".

Xatırladaq ki, Elza Seyidcahan 54 saylı Şabran-Siyəzən Seçki Dairəsindən öz namizədliyini irəli sürmüşdü.

İntiqam VALEHOĞLU
Ölkə.az