Faizsiz kreditlə fotosessiya mümkün olacaq

Müqavilə tətbiq edilir 

Bu barədə Ölkə.az-a gənc foto-reportyor Şahin Sərdarlı bildirib: “Fotosessiya xidmətlərinin kreditlə həyata keçirilməsi barədə, yeni bir layihə hazırlamışıq. Bu layihənin əsas mahiyyəti vergidən yayınmanın qarşısını almaq və müştərilərin sifarişlərini daha rahat təmin edə bilməkdir. Elə müştəri olur ki, sifarişinə uyğun büdcəsi olmur, ya da ki toy xərclərinin çox olması səbəbindən xəyallarını gerçəyə çevirməkdə çətinlik çəkirlər. Gənclərin arzusunda olduğu çəkilişləri, onların sifarişini həyata keçirmək üçün çox çalışacağıq. Düzdür, belə cütlüklərimiz çox olub, onlara hər zaman güzəştə getmişik və bu prosses davamlı olacaq. Yeni layihənin şərtləri isə müştərinin sifarişinə uyğun olaraq, sifariş verdiyi çəkilişlərin ümumi məbləğinin 20%-i ödənilmək şərtiylə, sifarişçi və icraçı arasında 3 aylıq müqavilə bağlanılır. Müqavilənin şərtinə uyğun olaraq, sifarişçi ödəniş vaxtından maksimum 3 gün gecikmə hüquna malikdir. Ödəniş 3 gün müddətini keçdikdə isə gündəlik olaraq, ödənişə 1 manat məbləğində faiz əlavə olunur. Ödənişin gecikməsinin bir ayı tamam olduqda isə, müqaviləyə uyğun olaraq, ərizə ilə məhkəmə orqanlarına müraciət göndərilir. Ödənişlər olduqda isə sifarişçiyə qəbz təqdim olunur, eyni zaman qəbzin digər surəti icraçıda qalır. Bu prosses isə əldə olunan qazancın Dövlət büdcəsinə vergilərin tam və vaxtı-vaxtında ödənilməsini, vergidən yayınmanın qarşısının alınmasını düşünürük. Onu da qeyd edim ki, sifarişçinin ödənişi nəğd həyata keçirmək istəməyində də problem yaranmayacaq. Çünki sifarişçiyə ödədiyi məbləğin qəbzini təqdim edəcəyik. Məşhur və ustad fotoqraflarımız var. Düşünürəm ki, onlar da bu layihəni dəstəkləyəcəklər”.

Ətraflı məlumat üçün əlaqə nömrələri:

+994 55 572 46 51

Ölkə.Az