Türkiyəli məşhur aktyor vəfat etdi - FOTO

Türkiyəli məşhur aktyor Aydemir Akbaş vəfat edib.

Ölkə.Az Türkiyə mətbuatına istinadla xəbər verir ki, ustad aktyor 88 yaşında xərçəng xəstəliyindən dünyasını dəyişib.

Daha əvvəl qırtlaq və bağırsaq xərçəngi ilə mübarizə aparan Aydemir Akbaş yenidən xərçəngə tutulduğunu açıqlamışdı.

Akbaş ötən gün evində huşsuz vəziyyətdə tapılıb və təcili olaraq xəstəxanaya çatdırılıb. Dərhal reanimasiyaya yerləşdirilən aktyoru xilas etmək mümkün olmayıb.

Qeyd edək ki, A.Akbaş 40-ı komediya olmaqla ümumilikdə 127 filmdə, 30-a yaxın teatr tamaşasında rol alıb, 8 filmə rejissorluq edib. O, bir çox seriallarda da çəkilib, 33 filmin ssenarisini yazıb.

Billurə Yunus