Atasının soyadından rəsmən imtina etdi

Ancelina Coli və Bred Pittin 18 yaşlı qızı Şilo Nouvel Coli-Pitt nəhayət atasının soyadından imtina edib.

İndi Coli və Pitin qızı rəsmi olaraq Şilo Coli adını daşıyır.

Qız soyadını dəyişdirmək üçün ilk dəfə may ayında - 18-ci ad günündə müraciət edib. Lakin iyul ayında Şilonun soyadının dəyişdirilməsi ilə bağlı müraciəti texniki səhvlərə görə gecikdiyi üçün məhkəmə iclası avqustun 19-na təyin edilib.

Kaliforniya ştatının qanunlarına uyğun olaraq soyad dəyişikliyi zamanı hərəkətlərin alqoritminə əsasən, Şilo "Los Angeles Times"da soyadının dəyişdirilməsi ilə bağlı bir ay ərzində reklam hüquqi bildirişlər bölməsində görünməli olan elan dərc edib.

Nəşrin mənbəsinin qeyd etdiyi kimi, Bred Pitt qızının soyadından imtina etmək istəyindən xəbərdar olub.

"O, Şilonun soyadından imtina etdiyini bilir və üzülür. Övladlarını itirdiyini xatırlatmaq, əlbəttə ki, Bred üçün asan deyil. O, övladlarını sevir və darıxır”, - mənbə bildirib.

Xatırladaq ki, Bred Pitt indi İnes de Ramonla münasibətdədir və şayiələrə görə artıq onunla birlikdə yaşayır.

Şilodan başqa, 49 yaşlı Coli və 60 yaşlı Pittin daha beş övladı var - 22 yaşlı Maddoks, 19 yaşlı Zahara, 20 yaşlı Paks, 15 yaşlı Noks və 15 yaşlı Vivyen.

Kiçik qızı Vivien də Pitt soyadındam imtina edib. Ən azından Pitt soyadı prodüseri olan anası Ancelina Coli ilə birlikdə işlədiyi "The Outsiders” adlı musiqili filmin afişasında görünməyib. Bundan əvvəl Coli və Pitin böyük övladlığa götürülmüş qızı Zahara Pitt soyadından imtina etmişdi. Spelman Kollecindəki Alpha Kappa Alpha cəmiyyətində Zahara Marli Coli olaraq siyahıya alınır.(Qaynarinfo)