Məşhurların aksesuarları hərraca çıxarılır - MƏBLƏĞLƏR
Merilin Monro, The Jacksons, Teylor Svift, Riçard Raundtri, Eva Qardner, Rakel Uelç, Ceff Qordon, Ueylon Cnninqs, Li Qrinvud, Elizabet Montqomeri, Elizabet Teylor və digərlərinin nadir musiqi və film kolleksiyaları bu həftənin sonunda hərraca çıxarılacaq.
Ölkə.az “Kruse GWS” hərrac evinin rəsmi saytına istinadla xəbər verir ki, “Hollivud və musiqi əsərləri” hərracında 400-ə yaxın lot təqdim olunur. Bunlara Prins, Aliye və Ebiqeyl Folqerə məxsus əşyalar da daxildir.
Auksionun aparıcısı Bricit Kruz deyib: “Bu hərracda insanlarla həqiqətən emosional əlaqə saxlayan olduqca güclü parçalar var. Burada faciə elementi də var - əfsanəvi şəxslər bizi çox erkən tərk edirlər”.
Ən yaxşı lotlara Elvis Presliyə məxsus bir neçə əşya, o cümlədən ifaçının Las-Veqasdakı iqamətgahından bir mikrofon, 1977-ci ilin martına aid bir şüşə həb və 35.000-60.000 dollara satılacağı təxmin edilən iki unikal qızıl üzük daxildir.
Kruz 1977-ci ilin avqustunda vəfat edən “Rock-n' Roll” kralına məxsus zinət əşyalarının hələ də dünyada ən unikal artefaktlardan biri olduğunu deyib.
Digər diqqət çəkən məqam Uilsonun “Beach Boys”dan qrup yoldaşı və əmisi oğlu Mayk Lava yazdığı məktubun əlyazmasıdır. Kruza görə, bu məktub ən azı 10.000 dollara satın alınmalıdır.
Avqustun 31-də keçiriləcək onlayn hərrac canlı yayımlanacaq.
