Məşhur bakılı müğənni ölümlə hədələnir

Fırıldaqçıların qurbanı olan Rusiya Federasiyasının Xalq artisti Larisa Dolina dövlət himayəsinə verilməsini xahiş edib. Onun sözlərinə görə, naməlum şəxslər satılan evdən çıxmayacağı təqdirdə onu və ailəsini öldürməklə hədləyirlər.

Qaynarinfo "Mash" "Telegram" kanalına istinadən xəbər verir ki, müğənni Xamovnikidəki mənzilinin alıcısı Polina Lurini sadəlövhlükdə, ehtiyatsızlıqda və daimi təzyiqdə ittiham edib. O məhkəmə yolu ilə alqı-satqı əməliyyatının etibarsız sayılmasını, yaşayış sahəsinin mülkiyyətinin Luridən alınmasını və fırıldaqçılara köçürdüyü pulun ona qaytarılmasını tələb edir. Mənzilin yeni sahibi müğənniyə qarşı əks iddia qaldırıb.

"Telegram" kanalının məlumatına görə, müğənni mülkü alan Polina Lurinin daşınmaz əmlak bazarını başa düşdüyünə inanır, lakin dəbdəbəli mənzil alarkən kifayət qədər ayıq-sayıq olmayıb və mənzilin niyə bu qədər ucuz satıldığı ilə bağlı suallar verməyib. "Mash" yazır ki, sənətçi evini bazar qiymətindən aşağı olan kadastr dəyəri 123 milyondan aşağı - 112 milyon rubla satıb.

Paytaxtın ümumi yurisdiksiya məhkəmələrinin mətbuat xidməti xəbər verir ki, daha əvvəl Dolina Moskvanın Xamovniçeski Məhkəməsində Luriyə qarşı iddia qaldırıb. "Mash"ın məlumatına görə, iddianın ümumi məbləği 123,3 milyon rubl təşkil edir.

Aprelin sonunda FSB və Rosfinmonitorinq əməkdaşları adından fırıldaqçılar müğənnini mənzilini satmağa razı salıblar, özləri rieltor və alıcı tapıblar, iyunun 20-də müqavilə imzalayıblar. İyunun 24-də mülkiyyət hüququ Polina Luriyə keçibş. "Mash" xəbər verir ki, bundan sonra cinayətkarlar Dolinanı daçanı da satmağa inandırmağa çalışıblar, lakin o, nəhayət nə baş verdiyini anlayıb.

Sənətçi avqustun 3-də polisə ərizə yazıb və mənzilə həbs qoyulub. Avqustun 13-də naməlum şəxslər Dolinanın evinə gələrək Xamovnikidə dəbdəbəli daşınmaz əmlak aldıqlarını bildiriblər. Müğənni evdən köçməkdən imtina edib.

"Baza" kanalına məlum olub ki, sənətçi dövlət himayəsi ilə təmin olunmasını istəyib. "Telegram" kanalının məlumatına görə, naməlum şəxslər sənətçini hədələyir, satılan mənzili tərk etməyi tələb edirlər. Bununla bağlı Dolina Mərkəzi İnzibati Dairə üzrə Daxili İşlər İdarəsinin rəisinə müraciət ünvanlayıb.

"Onun sözlərinə görə, avqustun sonunda "Telegram"da özünə, həmçinin qızına və nəvəsinə qarşı qətl və ağır bədən xəsarətləri ilə bağlı mesajlar gəlməyə başlayıb", deyə "Baza" yazır.

Qeyd edək ki, Larisa Dolina (Kudelman) 10 sentyabr 1955-ci ildə Bakı şəhərində, yəhudi ailəsində anadan olub. Atası Aleksandr Markusoviç Kudelman, anası Qalina İzrailevna Kudelmandır (qızlıq soyadı Dolina). Üç yaşında valideynləri ilə birlikdə onların doğma şəhərinə - Odessaya köçüb.

Müğənninin musiqi karyerası 1971-ci ildə "Biz odessitik" estrada orkestrində başlayıb. Daha sonra Konstantin Orbelyanın rəhbərliyi ilə "Ermənistan Dövlət Estrada Orkestri" və Polad Bülbüloğlu rəhbərliyi altında "Azərbaycan Dövlət Estrada Ansamblı" kimi musiqi qrupların solisti olub. O, 1993-cü ildə Rusiyabıb Əməkdar artisti, 1998-ci ildə Xalq artisti fəxri adını alıb.