Məşhur müğənni heç vaxt ana ola bilməyəcəyini açıqladı - FOTO

Müğənni-aktrisa Selena Qomes “Vanity Fair” üçün kamera qarşısına keçib.

Ölkə.az Yenisabah.az-a istinadən xəbər verir ki, o, bioloji yollarla ana ola bilməyəcəyini açıqlayıb.

Qomes buna səhhətindəki problemlərin maneə olduğunu bildirib:

"Düşündüyüm kimi ana ola bilməyəcəyəm. Fikirləşidim ki, hamı kimi olacaq. Əvvəl bunun üçün uzun müddət kədərlənərdim. Lakin indi özümü xoşbəxt hiss edirəm ki, övladlığa götürmə, suraqat ana kimi yolların olduğunu gördüm. Özümün və uşağın həyatını riskə ata bilmərəm. Bu, məni sevindirir. Təbii bir proses olmayacaq. Əsas odur ki, mənim uşağım olacaq".

Selena illərdir qırmızı qurdeşənəyi (Autoimmun) xəstəliklərdən biridir. Bu zaman insan immuniteti hiperaktiv olur və orqanizmin öz normal hüceyrə və toxumalarına hücum edir - red.) ilə mübarizə aparır. Bu səbəbdən ona böyrək köçürülüb və ömürlük ifaçının kökəlməsinə səbəb olan dərmanlar qəbul etmək məcburiyyətindədir.