Ancelina onunla sevgilidir - FOTO
Dünyaşöhrətli aktrisa Ancelina Coli yeni eşqə yelkən açıb.
Ölkə.az “Qafqazinfo”ya istinadən xəbər verir ki, 2019-cu ildə həmkarı Bred Pittdən boşandıqdan sonra uzun müddət sevgi münasibəti qurmayan aktrisanın britaniyalı reper Akala ilə münasibətdə olduğu iddia edilib.
Gözəlliyi ilə illərə meydan oxuyan 49 yaşlı Ancelinanın özündən 9 yaş kiçik reperle eşq yaşaması xəbərlərini gündəmə gətirən isə Akalanın instaqramda Colini izləməsi olub.
Daha əvvəl 62-ci Nyu - York Film Festivalında birlikdə görüntülənən cütlük aktrisanın ev sahibliyi etdiyi bir təşkilatın tədbirində yenidən bir araya gəlib.
Eyni zamanda, Ancelinanın bu ilin avqustunda Akala ilə İtaliyada hoteldən çıxarkən görüntülənməsi onların sevgili olduğu iddialarının doğruluğunu gücləndirib.
